म्याग्दी जिल्ला सिख गाबिसबाट गत साल कोरिया आई कार्यरत कृष्ण फगामी र म्याग्दीकै पाउदारबाट करिब ८ बर्ष अगाडी कोरिया आएका किशन तिलिजालाई म्याग्दी समाज समिति दक्षिण कोरियाले आर्थिक सहयोग उपलब्ध गराएको छ । समाजको सकृयतामा कोरियामा कार्यरत म्याग्देलीहरुबाट ९३८००० ओन चन्दा संकलन र कोषबाट ५००००० गरि जम्मा १४३८००० ओन बिरामी २ जनालाई बितरण गरिएको हो ।

कृष्ण पुन कोरिया आएको केहि महिनामा नै घुंडाको अप्रेशनार्थ ठूलो रकम खर्च गर्नुको साथै लामो समय बेरोजगार रहनु भएको थियो भने किशन पुन पनि गत ३ महिना अगाडि घुंडाकै अप्रेशन गरि आराम गरि बस्नु भएको थियो । किशन तिलिजाको अप्रेशन खर्च अस्पतालले मिनाहा गरेको भएपनि आराम गरि बसिरहेकै अबस्थामा ४ दिन अगाडि धरपकडमा परि सक्नु भएको छ । त्यसकारण किशन तिलिजालाई नेपाल सम्मको लागि जहाज भांडा स्वरुप ७६५००० र कृष्ण फगामीलाई ७००,००० ओन बितरण गरिएको छ । उक्त रकम हिजो आईतबार समाजका अध्यक्ष नर बहादुर पुनले कृष्ण फगामीलाई एक समारोह बीच बितरण गर्नु भएको थियो ।